Ti knăm anei, dua khua kiă kriê tŭ ư dua ala čar brei mđĭ hĭn klei bi mjĕ lehanăn bi kjăp klei đăo knang hlăm bruă kđi čar, ba Việt Nam lehanăn Jordan jing ƀĭng hgŭm đăo knang mrô sa hdơ̆ng găp ti grăp krĭng, pŏk ngă tŭ dưn lehanăn klă sĭt dŭm klei ƀuăn rơ̆ng, klei kuôl kă dua tĭng, mtrŭt mđĭ hdră bi hgŭm bruă lĭng kahan – răng mgang klei êđăp ênang, bruă duh mkra, mđĭ kyar hơĭt kjăp.

Kơ dŭm bruă hlăm krĭng lehanăn tar rŏng lăn, dua tĭng tŭ ư bi đru hdơ̆ng găp lehanăn bi hgŭm hluê hdră mpŭ kơ klei dưi êngiê, êđăp ênang, klei kluôm ênŭm krĭng lăn mơ̆ng dŭm ala čar, msir mghaih klei bi kuan hluê hdră msir êđăp ênang, hluê hŏng klei bi blŭ hrăm djŏ hdră bhiăn tar rŏng lăn lehanăn Hdră bhiăn mơ̆ng Êpul hgŭm lu ala čar./.