Leh ksiêm dlăng, Trung tướng Nguyễn Bá Lực čih pioh lehanăn bi myuôm klei mprăp kjăp mơ̆ng gưl bruă Đảng, knơ̆ng kiă kriê Lữ đoàn 198 kơ bruă mprăp klei mjuăt bi hriăm, rơ̆ng bi djăp ênoh čuăn kčah, hŏng klei kjăp sĭt, mâo klei kreh knhâo, lehanăn êđăp ênang.

K’iăng khua kčĕ bruă lĭng kahan mtă kơ Lữ đoàn lŏ dơ̆ng ksiêm bi kjăp jih jang bruă, anôk bi hriăm, nao djŏ hŏng klei sĭt bruă hriăm, rơ̆ng mâo klei êđăp ênang sĭt kơ mnuih lehanăn kơ kdrăp phao ktuang. ƀri akŏ thŭn mrâo, Trung tướng Nguyễn Bá Lực hơêč hmưi kơ phung knuă druh, lĭng kahan Lữ đoàn Đặc công 198 mâo klei thâo bi mguôp, mghaih msir klei dleh dlan, ktưn mjuăt hriăm bi thâo, mprai tiê kơ klei bi blah, bi leh jăk bruă jao hlăm thŭn 2026.