Ti anôk jao klei pah mni, Êpul gơ̆ng kiă kriê klei bi lông bi êdah klei bi mklă mđup brei klei pah mni 6 ênoh A, 13 ênoh B, 18 ênoh C, 10 klei pah mni tui si mta kñăm, lehanăn 35 klei pah mni bi mđĭ ai. Hlăm anăn, Sang mđung asăp blŭ Việt Nam mâo mă 1 klei pah mni ênoh A, 1 ênoh C lehanăn 3 klei pah mni mđĭ ai. Blŭ hram ti knăm anei, khua gĭt gai Đảng Tô Lâm mñă, klei bi kƀĭn prŏng phung bi ala kluôm ala gưl 14 mơ̆ng Đảng jing leh klei kruak knăl mrâo hlăm dăl 96 thŭn Đảng kiă kriê cách mạnh Việt Nam, klei bi kƀĭn prŏng 14 mâo leh klei tŭ jing bi êdah klei êpa mhao mơ̆ng ai tiê kut kat hlăm klei mđĭ kyar mơ̆ng Đảng lehanăn djuê ana.

Ti knăm anei mơh, Khua gĭt gai Đảng Tô Lâm, Khua knŭk kna Phạm Minh Chính, Khua bruă kƀĭn ala  Trần Thanh Mẫn mbĭt hŏng phung khua kiă kriê Đảng, Knŭk kna mđup brei mnơ̆ng bi knăl lehanăn hră pah mni kơ phung čih, êpul phung čih mâo mă klei pah mni mơ̆ng klei bi lông kmŭt mnia  êa mah thŭn 2025 lehanăn 96 čô phung khua kiă kriê bruă Đảng kdlưn hĭn hlăm kluôm ala, lehanăn lŏ mtrŭt mjhar klei bi lông kmŭt mnia êa mah tal 11 thŭn 2026.