Knăm mđup brei anăn knăl 45 thŭn Đảng kơ khua gĭt gai Đảng Tô Lâm
Thứ tư, 03:00, 04/02/2026
VOV TAYNGUYEN
VOV TAYNGUYEN
VOV.Êđê- Bi hdơr 96 thŭn hrue mkŏ mjing Đảng Cộng sản Việt Nam, kkuh mơak klei bi kƀĭn prŏng phung bi ala kluôm ala gưl 14 mâo leh klei tŭ jing jăk siam, aguah mbrue 3/2, ti anôk bruă Đảng gưl dlông mkŏ mjing leh knăm mđup brei anăn knăl 45 thŭn Đảng kơ Khua gĭt gai Đảng Tô Lâm, Khua knơ̆ng hlăm êpul khua gĭt gai Đảng Cộng sản Việt Nam.
Khua kiă kriê êpul khua gĭt gai Đảng Trần Cẩm Tú bi ala kơ phung khua kiă kriê bruă Đảng, Knŭk kna mđup brei klei pah mni yuôm bhăn. Blŭ hrăm hlăm knăm anei, Khua gĭt gai Đảng Tô Lâm bi êdah klei mgei ai tiê, mâo klei lač jăk kơ Đảng, truh kơ phung khua kiă kriê nao êlâo, lehanăn phung dĭng kna, mnuih ƀuôn sang mâo leh klei đăo knang, đru leh hlăm klei mă bruă.
Khua gĭt gai Đảng lač, 45 thŭn dôk hlăm êpul bruă Đảng, asei mlei ñu čih pioh dŭm klei ƀuăn rơ̆ng mơ̆ng sa čô đảng viên, sa ai sĭt suôr hŏng mta kñăm, klei mĭn mơ̆ng Đảng; amâo mâo mdei mjuăt hriăm, ktưn kyua kơ klei hnŭk êngiê djuê ana, mđrĭng hŏng hdră êlan yang ƀuôn ngă phŭn, kyua klei jăk yâo kơ mnuih ƀuôn sang./.
Viết bình luận