Khua knŭk kna bi mni kơ gưl hriê čhưn mkŏ mjing leh klei tŭ jing Klei bi kƀĭn tal XIV mơ̆ng Đảng, bi mklă Việt Nam dlăng myuôm, gĭr bi êlam hĭn klei bi hgŭm djuê ana, bi hgŭm yuôm bhăn leh anăn bi hgŭm kluôm Việt Nam – Cuba.

Dua tĭng bi mni kơ hnơ̆ng đĭ kyar bi hgŭm dua nah, bi tŭ ư mđĭ kyar klei bi hgŭm bruă duh mkra -  mnia blei; pŏk ngă tŭ dưn dŭm hdră bruă mkra mjing mnơ̆ng ƀơ̆ng huă tinăn mtam, kah mbha klei thâo 40 thŭn mlih mrâo; pŏk mlar klei bi hgŭm êa pui êwa čuh mkra mjing, boh nik pui kmlă êran hŏng pil yang hruê; mđĭ klei bi hgŭm bruă mdrao mgŭn, ba jao kdrăp mrâo vaccin, êa drao gŭn duh kơ anôk ba čhĭ dua ala čar leh anăn ba čhĭ kơ ala tač êngao. Khua knŭk kna bi mklă Việt Nam srăng lŏ dơ̆ng kah mbha klei thâo mđĭ kyar êa pui êwa čuh mkra mjing hŏng Cuba čiăng duh kơ bruă mkra mjing leh anăn klei hdĭp mda hŏng mnuih ƀuôn sang Cuba.