Êlâo kơnăn, klei kƀĭn tal 1 tŭ ư ênoh phung bi ala Bruă Kbĭn ala dưi ruah ti čar jing 15 čô, mâo 6 čô bi ala mơ̆ng gưl dlông hưn mdah leh anăn 9 čô bi ala mơ̆ng alŭ wăl hưn mdah; ênoh jih jang phung dưi hưn mdah mgơ̆ng ruah mĭn tĭng jing 28 čô. Hluê si tur knơ̆ng mkăp brei, Êpul khua bruă Đảng dhar bruă mặt trận čar mâo leh klei hưn truh kơ 17 anôk bruă, êpul bruă čiăng hưn mdah 22 čô.

Truh kơ 5 mmông tlam hruê 25/1/2026, dhar bruă mặt rận čar tŭ mă djăp hră mơar hluê si klei čuăn. Klei kƀĭn bi tŭ ư hră anăn 22 čô leh anăn bi trông kơ dŭm klei mñă êjai mă klei blŭ mguôp phung mplĕ hră anôk dôk, anôk mă bruă. Blŭ hrăm hlăm klei kƀĭn trông, Cao Thị Hòa An, khua hlăm bruă Đảng gưl dlông, k’iăng khua bruă Đảng čar Dak Lak, khua Êpul gơ̆ng bruă ƀuôn sang čar, khua dhar bruă ruah khua čar Dak Lak mñă kơ Êpul khua bruă Đảng dhar bruă mặt trận čar lŏ dơ̆ng bi mguôp kjăp hŏng dŭm anôk bruă djŏ tuôm, hluê ngă djŏ hŏng hdră êlan leh anăn dŭm klei kƀĭn kơ anăp, rơ̆ng kơ klei êngiê, djŏ hdră kčah leh anăn klei čuăn hdră bhiăn lăn čar