Blŭ hrăm ti anôk bi kƀĭn, Khua dlăng bruă Đảng bruă kƀĭn ala, Khua bruă kƀĭn ala Trần Thanh Mẫn hơêč hmưi kơ Dương Thanh Bình mâo mđup brei anăn knăl 45 thŭn Đảng leh anăn Phùng Khánh Tài mâo mđup brei Anăn knăl 30 thŭn Đảng djŏ hlăm gưl jih ai tiê yuôm bhăn, bi hdơr 96 thŭn mkŏ mjing Đảng leh anăn Klei bi kƀĭn phung bi ala kluôm ala tal XIV mơ̆ng Đảng mrâo  tŭ jing jăk siam.

Bi ala kơ 2 čô mâo mđup brei Anăn knăl, Khua Knơ̆ng bruă klei čiăng mnuih ƀuôn sang leh anăn Ksiêm dlăng Dương Thanh Bình bi mklă, srăng lŏ dơ̆ng gĭr, hriăm mjuăt, kriê pioh knhuah cách mạng; bi hmô hlue ngă bi jăk  Hră mtrŭn, Klei bhiăn đảng, dŭm hdră kčah mơ̆ng Đảng, hdră êlan, hdră bhiăn Knŭk kna; lŏ dơ̆ng bi hmô, bi leh bruă klam sa čô đảng viên đru mkŏ mjing lăn čar Việt Nam ƀrư̆ mdrŏng sah, kjăp ktang, đĭ kyar kjăp, truh kơ yang ƀuôn ngă phŭn.