Khua lăn čar Lương Cường bi mklă, anei jing klei yuôm bhăn, amâo djŏ knŏng kruăk knăl klei bi leh ba yua sa hdră bruă yuôm bhăn ôh, ƀiădah lŏ bi êdah klei bi mguôp kjăp plah wah knhuah gru hƀuê ênuk mơ̆ng cách mạng Việt Nam, hŏng klei čiăng mkŏ mjing Knŭk kna yang ƀuôn ngă phŭn Việt Nam mrâo mrang, kjăp ktang, Knŭk kna mơ̆ng yang ƀuôn, kyua mnuih ƀuôn sang, hlăm ênuk đĭ kyar mrâo mŏng djuê ana Việt Nam.

Čiăng kơ hdră bruă mâo kriê dlăng, ba yua tŭ dưn, Khua lăn čar mtă kơ Adŭ bruă Khua lăn čar jing anôk bruă mă klei phăn jao, kriê dlăng bi hgŭm  hŏng adŭ bruă Đảng gưl dlông, ƀuôn prŏng Hà Nội, pô rŭ mdơ̆ng tŭ mă, kriê dlăng, ba yua tŭ dưn, êđăp ênang, sui hdră bruă. Hlăm mmông bi kƀĭn, Khua gĭt gai Đảng Tô Lâm leh anăn Khua lăn čar Lương Cường, hŏng phung khua gĭt gai, khua gĭt gai Đảng hđăp, knŭk kna ngă leh klei bhiăn khăt mnal mphŭn ba yua Anôk mă bruă  Anôk bruă Khua lăn čar.