Blŭ hrăm hlăm knăm mphŭn pŏk yan mnga, Khua Knŭk kna Phạm Minh Chính čih yap, bi mni leh anăn bi myuôm phŭn bruă tuh tia mnia mblei mbĭt hŏng dŭm phŭn, dhar bruă, alŭ wăl, êpul êya knơ̆ng bruă, mbms leh anăn mah jiăng tar rŏng lăn mâo leh klei sa ai, hrăm mbĭt, gĭr mă bruă, hur har nao hgŭm leh anăn mkŏ mjing knăm mơak yan mnga thŭn 2026 leh anăn mkŏ mjing dŭm boh tŭ dưn jăk siam.

Khua Knŭk kna Phạm Minh Chính brei thâo, Knăm mơak jing anôk ƀhur mngăt êwa hlăm mnơ̆ng dhơ̆ng Việt, hưn mdah leh anăn bi klă ênoh yuôm anăn knăl Việt Nam, mbĭt ba wăt kơhưm leh anăn đru kơ anăn knăl Việt Nam phiơr dlông, phiơr kbưi truh kơ tar rŏng lăn. Grăp mta mnơ̆ng srăng jing pô bi ala dhar kreh, grăp anôk čhĭ mnia jinig sa wăl anôk hưn mdah rup Việt Nam mbruă, čŏng pô, êđăp ênang hơĭt kjăp leh anăn đĭ kyar.