Dơ̆ng mơ̆ng akŏ thŭn, dŭm hdră kkuh mơak Têt djuê ana Bính Ngọ mguôp hŏng knăm bi hdơr Hruê tŭ dưi Ƀuôn Ama Thuôt dưi mprăp kluôm, mjing ai êwa hơ̆k mơak, jak iêu lu tuê hiu čhưn hlăm lehanăn êngao čar. Hdră kdŏ mmuñ kkuh mơak thŭn mrâo ti Mlam kkuh drông thŭn mrâo dưi mkŏ mjing ti Ƀuôn hgŭm Ƀuôn Ama Thuôt lehanăn Ƀuôn hgŭm Tuy Hòa đru bi lar ai êwa hơ̆k mơak.

Mŭt hlăm 3 mlan gưl 2, hdră hiu čhưn ênguê Dak Lak kruăk leh klei bi mguôp plah wah dhar kreh krĭng čư̆ čhiăng lehanăn plao ksĭ hŏng Knăm mơak Kan ngừ thŭn 2026, Klei kƀĭn trông bruă duh mkra êa ksĭ mtah. Leh kơnăn jing Knăm mơak Cầu Ngư, Knăm mơak boh Durian gưl čar lehanăn Hdră kdŏ mmuñ bi hdơr hruê mkŏ mjing ala čar 2/29.