Ti anôk drông čhưn anăn, Khua knŭk kna Phạm Minh Chính kkuh mơak mâo êpul phung duh mkra Switz lehanăn Ơrôp truh hŏng Việt Nam, leh ala čar anei mkŏ mjing tŭ jing klei bi kƀĭn prŏng 14 mơ̆ng Đảng, čoh čuăn anăp truh kơ klei bi hdơr  100 thŭn hrue mkŏ mjing lăn čar.

Hŏng hdră êlan “Knŭk kna mbruă, phung duh mkra ba anăp, knŭk kna lehanăn êngao knŭk kna bi mguôp mbĭt, lăn čar đĭ kyar, phung duh mkra lehanăn mnuih ƀuôn sang mâo klei jăk yâo”, “Amâo mâo lač hơăi, amâo mâo lač ôh dleh amâo lač ôh mâo ƀiădah amâo mâo ngă”, khua knŭk kna čang hmăng phung duh mkra mơ̆ng Switz lehanăn Ơrôp bi hgŭm hŏng Việt Nam čiăng kơ: "Mđrăm mbĭt mđing hmư̆, bi đru mbĭt mă bruă, mđrăm mbĭt đĭ kyar lehanăn kjăp; mă bruă mbĭt, mâo klei dưi mbĭt, mơak mbĭt”./.