Trương Công Thái,  K’iăng  Khua knơ̆ng bruă sang čư̆ êa čar Dak Lak, Khua Anôk bruă gĭt gai bruă knông lăn čar, čih yap leh anăn bi mni  kơ boh tŭ êpul kahan răng mgang knông lăn čar mâo leh hlăm klei hlue ngă bruă kriê dlăng, răng mgang kjăp klei dưi lăn čar, êđăp ênang knông lăn ala čar; bi hgŭm kjăp, tŭ dưn hŏn g êpul răng mgang knông lăn Campuchia hlăm bruă kriê dlăng, răng mgang êlan knông lăn, gơ̆ng knông lăn; knuă druh, lĭng kahan bi hmô ai tiê đua klam, găn klei dleh dlan, bi leh jăk bruă klam mâo jao.

Trương Công Thái brei thâo, čar Dak Lak mđing uêñ, mjing klei găl kơ Kahan răng mgang knông lăn ngă jăk bruă klam, mbĭt anăn mtă thŭn 2026, gưl bruă Đảng, gĭt gai dŭm gưl hlăm Êpul kahan răng mgang knông lăn čar lŏ dơ̆ng mđĭ lar boh tŭ mâo leh, krơ̆ng kjăp klei êđăp ênang hlăm êpul, mđĭ hnơ̆ng jăk mă bruă, srăng tŭ mă leh anăn bi leh tŭ dưn djăp bruă klam hlăm boh klei mrâo.