Khua gĭt gai Đảng Tô Lâm bi tuôm hŏng phung khua hđăp hlăm Bruă Đảng gưl dlông dŭm gưl, mơak yan mnga Bính Ngọ 2026
Thứ năm, 04:00, 05/02/2026 VOV TAYNGUYEN VOV TAYNGUYEN
VOV.Êđê- Bi hdơr 96 thŭn Hruê mkŏ mjing Đảng Cộng sản Việt Nam (3/02), aguah 4/2 ti Anôk bruă Đảng gưl dlông, Phŭn bruă kđi čar, Anôk dlăng bruă Đảng dŭm gưl, mơak Yan mnga Bính Ngọ 2026.

 

Leh hâo hưn kluôm kơ dŭm boh tŭ êdah êdi mơ̆ng lăn čar hlăm jih jang bruă,

Khua gĭt gai Đảng Tô Lâm brei thâo, leh Klei bi kƀĭn tal XIV lu bruă klam phŭn hlăm bruă mkŏ mjing Đảng srăng mâo pŏk ngă hrăm mbĭt msĕ si mkra mlih, mkra mbŏ leh anăn mtrŭn klei kčah mtrŭn hlue ngă Klei bhiăn Đảng leh anăn bruă ksiêm dlăng mơ̆ng Đảng; lŏ dơ̆ng mlih mrâo ktang bruă knuă druh hlue si klei kpă ênô, klă mngač; ruah djŏ mnuih, djŏ bruă, mă klei tŭ dưn bruă knuă, klei đăo knang mơ̆ng Yang ƀuôn leh anăn boh tŭ hlue ngă jing hnơ̆ng mkă, amâodah msĕ si pŏk ngă hdră msir mđĭ bruă gang mkhư̆ klei ƀơ̆ng ngăn, luč liê mang, toh hroh kơ klei  mĭn kđi čar, knuih hdĭp, klei bi êdah kơ klei amâo jăk hlăm êpul hgŭm.

Mñă klă sa blư̆ dơ̆ng, Đảng, Knŭk kna mpŭ nanao klei đru mguôp prŏng prĭn mơ̆ng phung khua gĭt gai, phung gĭt gai hlăm dŭm wưng ênuk, Khua gĭt gai Đảng čang hmăng lŏ dơ̆ng mâo klei   blŭ mguôp yuôm bhăn mơ̆ng phung hlăm Bruă Đảng gưl dlông čiăng đru kơ Anôk dlăng bruă Đảng, Phŭn bruă kđi čar, Anôk dlăng bruă Đảng gưl XIV lŏ dơ̆ng bi leh hdră êlan leh anăn mđĭ hĭn hnơ̆ng jăk gĭt gai, ba lăn čar kjăp knhuang đĭ kyar kjăp hlăm wưng kơ anăp.

 

VOV TAYNGUYEN

Viết bình luận

TIN CÙNG CHUYÊN MỤC