Truh kơ ară anei, čar Lâm Đồng mkŏ mjing leh truh 124 anôk kiă kriê bruă ruah khua gưl ƀuôn hgŭm djŏ hŏng klei čoh čuăn; lehanăn mkŏ mjing 6 Êpul kiă kriê bruă ruah khua bruă kƀĭn ala, lehanăn 38 anôk bruă kiă kriê klei ruah khua Êpul gơ̆ng bruă ƀuôn sang čar, ruah kơ 85 čô pô bi ala. Čar mkŏ mjing leh 1.004 êpul kiă kriê klei ruah khua gưl ƀuôn hgŭm čiăng ruah 2.949 čô pô bi ala.

Blŭ klah čŭn anôk mă bruă, K’iăng khua Êpul gơ̆ng klei ruah khua ala čar Võ Thị Ánh Xuân mtă lơ hyuă hĭn klei kiă kriê dlăng klei ruah khua jing bruă čuăn kđi čar yuôm bhăn, amâo mâo lui ya mta bruă lĕ hlăm klei êmưt ôh, ksiêm dlăng jih ênoh čuăn, klei dưi mnuih mgơ̆ng ruah, rơ̆ng mâo mkŏ dăp bi djŏ guôp, djŏ hŏng mta mtrŭn./.