Hluê klei hưn, mlan 1/2026, bruă duh mkra – ala ƀuôn ti alŭ wăl hơĭt kjăp, lu bruă krơ̆ng kjăp hnơ̆ng đĭ kyar. Bruă lŏ hma, pla mjing yan Puih mnga, Hla luh – puih dưi ngă djŏ wưng. Bruă tuh tia mkra mjing krơ̆ng hnơ̆ng đĭ kyar truh giăm 6% mkă hŏng thŭn êlâo. Hdră hiu čhưn ênguê mâo klei bi êdah jăk mơ̆ng akŏ thŭn.

Tạ Anh Tuấn, Khua knơ̆ng bruă sang čư̆ êa čar Dak Lak mtă kơ dŭm anôk bruă, alŭ wăl ngă bruă kjăp, klă mngač dơ̆ng mơ̆ng mlan tal êlâo, wưng tal êlâo mơ̆ng thŭn 2026, dlăng bruă mkăp prăk duh bi liê jing bruă klam, mguôp hŏng klei đua klam mơ̆ng pô ba akŏ hŏng boh tŭ hluê ngă. Êlâo anăn, brei mđing kơ hdră mđing dlăng kriê Têt djuê ana Bính Ngọ, rơ̆ng grăp čô dưi drông Têt êđăp ênang, hơuh mđao./.