Êpul nao čuă lehanăn hơêč hmưi tết dŭm boh kđông Yok Đôn, Bo Heng lehanăn Dak Ruê. Phung khua kiă kriê čar Daklak čuă êmuh mđĭ ai knuă druh păn kjăp bruă knuă, mprăp ai tiê kơ klei bi blah, răng mgang kjăp klei dưi êngiê lăn čar, klei êđăp ênang knông lăn hlăm wưng Tết djuê ana. Phung khua kiă kriê čar Daklak hâo hưn, thŭn 2025 leh êgao tuôm hŏng lu klei dleh dlan, klei lông dlăng, ƀiădah čar ăt mâo lu boh tŭ dưn jăk hlăm klei mđĭ kyar bruă duh mkra ala ƀuôn. Mâo ba wĭt ngăn prăk kơ knŭk kna giăm 18.000 êklai prăk, đĭ êbeh 30% hŏng ênoh gưl dlông jao, klei bi mnia mblei hŏng ala tač êngao mâo êbeh 2,8 êklai USD.

Čar bi myuôm dŭm klei đru mguôp prŏng mơ̆ng lĭng kahan, hlăm anăn mâoi kahan răng mgang knông lăn, đru răng mgang leh kjăp klei êđăp ênang knông lăn, jing klei yuôm bhăn kơ klei hơĭt kjăp lehanăn mđĭ kyar klei hdĭp. Phung khua kiă kriê dŭm boh kđông ƀuăn mprăp ai tiê kơ klei bi blah, răng mgang kjăp klei êđăp ênang hlăm wưng Tết Nguyên đán Bính Ngọ 2026; mbĭt anăn đru kơ dŭm bruă hlăm yang ƀuôn, msĕ si “Yan mnga knông lăn h’uh mđao ai tiê mnuih ƀuôn sang, mđrăm mbĭt duh Tết kơ mnuih ƀuôn sang krĭng knông lăn./.