Anei jing sa hlăm dŭm Hdră mtrŭn yuôm bhăn mrâo mâo phung bi ala Êpul gơ̆ng bruă ƀuôn sang čar Dak Lak bi mklă ti Klei bi kƀĭn thơ̆ng kơ bruă tal 12, Êpul gơ̆ng bruă ƀuôn sang čar gưl X, wưng thŭn 2021-2026. Ênoh duh hluê ngă hdră “Rŭ mkra 1.200 boh sang kơ gŏ êsei ƀun, dleh dlan kơ sang dôk, gŏ sang knŭk kna dlăng ba, gŏ sang mnuih djuê ƀiă ti alŭ wăl čar Dak Lak” truh 96 êklai prăk.
Hlăm anăn, 60 êklai prăk mâo Phŭn bruă kahan ksiêm đru, čar Dak Lak 24 êklai prăk. 12 êklai prăk adôk mâo Kahan ksiêm čar Dak Lak bi hgŭm hŏng dŭm gưl bruă đảng, bruă sang čư̆ êa dŭm kdriêk, wăl krah, ƀuôn prŏng mă mơ̆ng ngăn prăk alŭ wăl lehanăn klei đru mkăn mơ̆ng yang ƀuôn. Mơ̆ng Klei bi kƀĭn tal 12, Êpul gơ̆ng bruă ƀuôn sang čar gưl X, phung bi ala tŭ ư bi mklă “Hdră mtrŭn đru prăk rŭ mdơ̆ng 1.200 boh sang kơ gŏ êsei ƀun, dleh dlan kơ sang dôk, gŏ sang knŭk kna dlăng ba, gŏ sang mnuih djuê ƀiă ti alŭ wăl čar Dak Lak thŭn 2024, hŏng ênoh đru 24 êklai prăk mă mơ̆ng ngăn prăk alŭ wăl./.
Viết bình luận