Ti anôk bi kƀĭn, tui si khua knŭk kna, klei čuăl mkă čar Tây Ninh wưng thŭn 2021-2030, tă hdră truh kơ thŭn 2050 mâo leh hdră êlan mđĭ kyar kjăp, čiăng mjing čar Tây Ninh jing sa boh čar đĭ kyar mtah, doh, lehanăn mâo alŭ wăl mđĭ kyar mrâo kluôm dhuôm lehanăn kjăp, mjing rup siam pioh kơ dŭm boh čar, ƀuôn prŏng tui ngă ti alŭ wăl lehanăn hlăm kluôm ala.

Khua knŭk kna Phạm Minh Chính čang hmăng kơ čar Tây Ninh dưi ngă djŏ hŏng bruă čuăl mkă, bi djŏ hŏng klei čuăl mkă kluôm kơ lăn čar, kơ krĭng wăl, pral mâo ngă hŏng klei djŏ lehanăn kjăp, tu jing jih jang bruă čuăl mkă./.