Hlăm klei bi kƀĭn, phung bi ala bi trông leh anăn ktuê dlăng bruă knuă, bruă klam mđing pŏk ngă hdră kčah, ksiêm dlăng klei dleh dlan, lông dlăng, gun kpăk čiăng bi mklă hdră tă, hdră msir, pŏk ngă tŭ dưn  Hdră kčah krĭng Ngŏ kwar Dhŭng hŏng hdră kñăm ba bruă duh mkra ala ƀuôn krĭng Ngŏ kwar Dhŭng lŏ dơ̆ng đĭ kyar ktang, pral, kluôm, jăk leh anăn kjăp.

Leh hmư̆ klei blŭ, klah čŭn, Khua knŭk kna Phạm Minh Chính mñă klă, bruă bi leh hdră kčah krĭng Ngŏ kwar Dhŭng hlăm wưng anei jing yuôm bhăn čiăng bi klă klơ̆ng hnơ̆ng trah dlăng, klei mĭn, hdră kñăm hlăm Hdră mtrŭn mđĭ kyar krĭng leh anăn hdră kčah gưl ala čar hlăm krĭng; klă klơ̆ng bruă dăp mđĭ kyar dŭm bruă ala čar hlăm alŭ wăl; pŏk ngă dŭm hdră bruă mkŏ yuôm bhăn plah wah dŭm čar hlăm krĭng, mlir krĭng leh anăn dhar bruă; Mđĭ pral hlue ngă dŭm klei êdah kdlưn kñăm mđĭ lar klei găl kơ bruă klam duh mkra mơ̆ng krĭng, mđĭ kyar bruă duh mkra ala ƀuôn mơ̆ng kluôm krĭng leh anăn dŭm krĭng riêng gah./.