Hlăm ai êwa mpŭ, phung bi ala nao dưm leh kwang mnga, čuh brui mngưi, bi hdơr kơ klei đru mguôp yuôm bhăn, bi êdah klei lač jăk prŏng prĭn mơ̆ng phung kahan djiê êngiă jhŏng ktang nao kdơ̆ng mblah, săn asei mlei kyua hdră bruă kdơ̆ng mblah mtlaih êngiê djuê ana, hluh lir lăn čar. Leh knăm myơr brui mngưi, dưm kwang mnga, phung khua čar Dak lak mbĭt hŏng êpul djă phao ktuang lehanăn lu mnuih ƀuôn sang nao čuh brui mngưi ti msat phung kahan djiê êngiă.
Nguyễn Quang Thuân, K’iăng khua Knơ̆ng bruă mnuih ngă bruă kahan êka êkeh lehanăn yang ƀuôn čar Dak Lak brei thâo, hdră nao čuă msat phung kahan djiê êngiă hlăm dŭm hruê knăm prŏng jing leh knhuah jăk siam, bi êdah klei bhiăn mnăm êa hdơr kơ akŏ mơ̆ng bruă sang čư̆ êa alŭ wăl lehanăn mnuih ƀuôn sang ti alŭ wăl kluôm čar./.
Viết bình luận