Mơ̆ng akŏ thŭn truh kơ ară anei, klei truh amâo jăk mơ̆ng yan adiê ngă leh 14 čô djiê, luič ka thâo ƀuh lehanăn klei luič liê đăo tĭng giăm 400 êklai prăk. Dŭm klei yan adiê amâo jăk kjham êdi msĕ si: Klei ê’ăt ktang ti krĭng Dưr, klei adiê không thu krô, trô̆ kma msĭn, klưh lăn lehanăn êa lip lêč, klei êa ksĭ đĭ mâo ti krĭng Dap mnai êa krông Cửu Long, Lăn dap kngư; hjan prŏng, grăp kmlă kreh mâo ti 19 čar nah Dưr lehanăn Dưr kwar Krah. Klah čŭn ti anôk bi kƀĭn, K’iăng khua knŭk kna Trần Lưu Quang lač klă, hdră gang mkhư̆ klei yan adiê ngă adôk mâo 6 klei gun kpăk.

Hlăm anăn, mâo klei êdu kƀah kơ klei thâo săng mơ̆ng mnuih ƀuôn sang lehanăn anôk bruă djŏ tuôm; hdră ksiêm dlăng, hdră kcah ngă bruă êlâo kơ yan hjan angĭn êbŭ ka kjăp. K’iăng khua knŭk kna mtă kơ dŭm Phŭn, dhar bruă djŏ tuôm lehanăn alŭ wăl pral mâo hdră msir mghaih jih klei anei./.