Klei trông čhai anei lŏ mâo truh 500 čô phung bi ala jing phung khua kiă kriê, Khua kiă kriê hlăm Đảng êlâo dih, khua êmua hlăm knŭk kna lehanăn phung khua kiă kriê dŭm boh čar, ƀuôn prŏng, dŭm boh sang hră anôk ksiêm hriăm, phung thâo lu, phung kreh knhâo phung tuôm găn leh hlăm hƀuê ênuk klei bi blah Điện Biên Phủ.
Blŭ pŏk klei bi trông, Đại tướng Lương Cường, Khua knơ̆ng kiă kriê bruă đru kčĕ kđi čar kơ lĭng kahan yang ƀuôn Việt Nam lač: Klei trông čhai kreh knhâo hrue anei jing sa bruă ngă klă mngač êdi kñăm kkuh mơak bi hdơr 70 thŭn klei mblah dưi Điện Biên Phủ (1954 - 2024); jing wưng čiăng kluôm Đảng, jih jang mnuih ƀuôn sang lŏ bi hdơr knhuah gru jhŏng ktang klei bi blah mơ̆ng aê ama pô nao leh êlâo, lŏ bi hdơr kơ mnuih ƀuôn sang, dĭng kna nao leh hlăm klei bi blah, lehanăn săn leh asei mlei djiê êngiă hlăm klei bi blah sua mă klei djuê kơ djuê ana./.
Viết bình luận