Bruă Đảng čar Gia Lai mkŏ mjing Knăm jao klei pah mni Klei bi lông tui ksiêm “70 thŭn mblah dưi Điện Biên Phủ”
Thứ bảy, 06:59, 04/05/2024
VOV Tây Nguyên
VOV Tây Nguyên
VOV4.Êđê - Aguah 3/5, bruă Đảng čar Gia Lai mkŏ mjing leh Knăm jao klei pah mni Klei bi lông tui ksiêm “70 thŭn mblah dưi Điện Biên Phủ” lehanăn 65 thŭn hruê pŏk êlan Hồ Chí Minh – Hruê knhuah lĭng kahan Trường Sơn.
Leh 2 mlan pŏk ngă, Klei bi lông mâo 450 êbâo čô nao hgŭm, mâo mnuih ƀuôn sang, knuă druh, đảng viên lehanăn dŭm anôk bruă đảng hlăm čar.
Hlăm 2 mlan, klei bi lông dưi mkŏ mjing 8 gưl hluê hdră trắc nghiệm online, kah knar grăp wưng mâo 56 êbâo čô bi lông. Mta phŭn klei bi lông mđing kơ boh phŭn “Điện Biên Phủ, êlan Hồ Chí Minh – Klei mĭn, klei thâo Việt Nam", hŏng dŭm grua kruăk hƀuê ênuk, dŭm hdră mblah jhŏng ktang mơ̆ng lĭng kahan lehanăn mnuih ƀuôn sang drei hlăm hdră mblah bi kdơ̆ng hŏng Prăng plah ala, êdah êdi jing Hdră mblah hƀuê ênuk Điện Biên Phủ; mbĭt hŏng boh tŭ yuôm prŏng kdrưh êlan Hồ Chí Minh.
Viết bình luận