Hŏng lu phung bi ala bi mklă tŭ ư, Bruă kƀĭn ala bi mklă leh Hdră bhiăn êlan klông leh anăn Hdră bhiăn êđăp ênang hlăm êlan klông. Ti anăp lu klei blŭ mdê mdê kơ mta 2, klei 9, hdră kčah kơ hnơ̆ng kôl phung mgăt êdeh, Bruă kƀĭn ala bi mklă hjăn kơ bruă anei. Boh tŭ, lu phung bi ala Bruă kƀĭn ala tŭ ư hŏng hdră kčah: kăm mgăt êdeh hlăm êlan klông tơdah mâo hnơ̆ng kôl.

Mơ̆ng boh sĭt hlăm wưng êgao mâo phung hđeh arăng lui hlăm êdeh mdiăng hđeh, ba lu klei amâo jăk, Dhar bruă ala mtă kơ Bruă kƀĭn ala mbŏ dŭm hdră kčah mrâo hlăm Hdră bhiăn răng mgang klei êđăp ênang hlăm êlan klông jing êdeh ô tô dŭ mdiăng hđeh sang hră, hđeh điêt amâodah êdeh ô tô dŭ mdiăng mguôp hŏng mdiăng hđeh sang hră brei mâo kdrăp mdar rup leh anăn klei hưn brei răng kơ klei lui hđeh hlăm êdeh.