Drông Pô bi ala Colombia Miguel Angel Rodriguez Melo, Khua lăn čar mñă Việt Nam bi mni bruă klam, kơhưm mơ̆ng Colombia ti krĭng Milatino lehanăn brei thâo Việt Nam sa ai hŏng hdră êđăp ênang ti Colombia, čang hmăng mđĭ kyar klei bi mjĕ kluôm dhuôm, wăt bruă kđi čar, bruă hŏng tač êngao, bruă duh mkra, mnia mblei, mjuăt bi hriăm, mjĕ mnuih ƀuôn sang, kyua klei tŭ dưn mnuih ƀuôn sang dua ala čar, đru mguôp hlăm klei êđăp ênang, hơĭt kjăp lehanăn đĭ kyar ti krĭng wăl.

Drông Pô bi ala Panama, Eligio Alberto Salas, Khua lăn čar Tô Lâm bi mni dŭm klei đru mguôp mơ̆ng pô bi ala hlăm bruă mtrŭt mđĭ klei bi mjĕ dua nah hlăm wưng êgao hluê klei bi trông êpul ngă bruă, êpul mnia mblei, mkŏ mjing hdră hưn mthâo dhar kreh. Khua lăn čar čang hmăng lŏ mđĭ kyar hĭn klei bi mjĕ dua ala čar, hlăm bruă kđi čar, bruă tač êngao, duh mkra – mnia mblei, bruă êlan êa, bruă ngăn prăk, mjĕ mnuih ƀuôn sang, kyua klei tŭ mnuih ƀuôn sang dua ala čar, đru mguôp hlăm klei êđăp ênang, hơĭt kjăp lehanăn đĭ kyar ti krĭng wăl./.