Blŭ hrăm hlăm mmông bi tuôm, Khua bruă kƀĭn ala Trần Thanh Mẫn hưn kơ boh tŭ klei kƀĭn tal 7, Bruă Kƀĭn Ala gưl 15, hluê anăn dŭm hdră bhiăn, hdră mtrŭn mâo Bruă Kƀĭn Ala ksiêm dlăng, bi klă hlăm klei kƀĭn anei djŏ tuôm hŏng lu dhar bruă, mta bruă, mâo phung bi ala, mnuih ƀuôn sang kluôm ala uêñ mĭn, ktuê dlăng.
Khua bruă kƀĭn ala Trần Thanh Mẫn brei thâo, hlăm hruê 1/7 mtam, 10 hdră bhiăn djŏ tuôm klă anăp hŏng mnuih ƀuôn sang srăng dưi dưn, mñă klă, dŭm hdră bhiăn ba mdah srăng mâo hdră mtrŭn nao mbĭt čiăng hluê ngă mtam. Hluê si Khua bruă kƀĭn ala Trần Thanh Mẫn, lu anôk dôk mâo klei bi mplĕ, dêč kơ bruă knuă ngă truh dŭm hdră mtrŭn amâo mâo dưi ngă hrăm mbĭt plah wah dŭm alŭ wăl. Khua Bruă Kƀĭn Ala mñă brei mđĭ hĭn hdră bhiăn, knhuah klă mngač mơ̆ng klei bhiăn lăn čar hlăm klei gĭt gai, ktrâo lač čiăng bi lar ai tiê kdlưn hĭn, jhŏng mĭn, jhŏng ngă kyua boh tŭ dưn mbĭt.
Viết bình luận