Gưl nao čhưn jing gru kruăk knăl yuôm bhăn, bi êdah klei bi hgŭm mđĭ kyar jăk siam ti hnơ̆ng jăk plah wah dua ala čar. Hlăm gưl nao čhưn, Khua knŭk kna Phạm Minh Chính mâo leh hdră mă bruă lu snăk, lu mta hŏng 34 bruă ngă hŏng phung ngă bruă kđi čar, phung ngă bruă duh mkra, phung thơ̆ng kơ bruă, phung kreh knhâo, dŭm êpul bruă êngao knŭk kna.

Khua gĭt gai Dhŭng Korea bi mklă lŏ dơ̆ng dlăng Việt Nam jing ƀĭng hgŭm kơ klei bi hgŭm mđĭ kyar (ODA); srăng đru mđĭ klei thâo kơ dŭm anôk bruă duh mkra Việt Nam hgŭm êlam hĭn hlăm hdră mkăp mkra mjing mơ̆ng dŭm anôk bruă duh mkra Dhŭng Korea. Dua tĭng bi tŭ ư mđĭ klei bi hgŭm mkŏ mjing hdră mkăp yua mnơ̆ng hlăm gŭ lăn hơĭt kjăp kñăm rơ̆ng êđăp ênang bruă duh mkra kơ jih dua ala čar.