Hruê mbruê 5/7, Êpul khua bruă Đảng čar Gia Lai mkŏ mjing klei kƀĭn trông tal 16 (pŏk mlar). Klei hưn hlăm klei kƀĭn trông brei ƀuh, hnơ̆ng klei brei čan duh bi liê bruă knŭk kna ti čar mâo mă knŏng ƀiă, knŏng mâo mă 22,4% leh anăn ăt dôk tuôm hŏng lu klei dleh dlan. Thŭn anei, čar Gia Lai dưi jao êbeh 4.300 êklai prăk duh bi liê bruă knŭk kna leh anăn ênoh jao leh mao 3.800 êklai prăk. Ƀiădah klei brei čan mơ̆ng čar knŏng mao mă 22,3%. Knŏng hlăm 3 hdră ala čar kñăm kơ bruă mkŏ mkra krĭng ƀuôn sang mrâo, bi hrŏ ƀun leh anăn mđĭ kyar bruă duh mkra ala ƀuôn krĭng mnuih djuê ƀiă mâo mơ̆ng 15 – 23%.

Hluê si phung bi ala nao hlăm klei kƀĭn, čuăl mkă yua lăn ti čar ka dưi mkra mlih, jing phŭn agha ngă truh klei brei čan êmưt. Ară anei dŭm hră kñăm mơ̆ng car msĕ si êlan knhal bruă duh mkra nah Ngŏ, dŭm hdră rŭ mjing ênao kdơ̆ng êa, dăp anôk dôk mnuih ƀuôn sang krĭng mnuih djuê ƀiă êmưt kyua klei anei. Êngao kơnăn, hnư hrui wĭt mơ̆ng prăk yua lăn ƀiă hĭn mkă hŏng hdră kčah. Lu hdră yua ênoh prăk anei dưi ngă bruă ƀiădah amaoa mâo prăk tla.