Hlăm hdră nao hlăm klei kƀĭn trông gưl dlông Klei blŭ Prăng gưl tal 19 leh anăn klă klơ̆ng nao čuă ala čar Prăng mơ̆ng hruê 3 – 7/10/2023, Aguah mbruê 4/10, hluê mmông alŭ wăl, ti Paris, Khua gĭt gai Tô Lâm drông leh khua kiă kriê mơ̆ng Nghiệp Đoàn giới chủ Prăng, khua gĭt gai êpul hgŭm phung blŭ klei Prăng, Khua gĭt gai mkŏ mjing  NoTus Technologies.

Hlăm mmông bi tuôm, khua gĭt gai Tô Lâm mñă kơ Êpul bruă duh mkra phŭn mơ̆ng Prăng lŏ dơ̆ng đru leh anăn jing mbah mkŏ klei duh bi liê mnia mblei plah wah êpul êya dŭm knơ̆ng bruă dua ala čar hlăm wưng kơ anăp, mñă klă Việt Nam mâo hdră êlan iêo jak, bi mguôp hrŏn ruah, mă hnơ̆ng tŭ jăk, boh tŭ dưn, kdrăp mrâo mrang leh anăn răng mgang wăl hdĭp mda jing hnơ̆ng čuăn phŭn. Khua gĭt gai Tô Lâm mñă klă, Việt Nam ƀuăn rơ̆ng hrăm mbĭt leh anăn mkŏ mjing klei găl čiăng kơ dŭm knơ̆ng bruă hgŭm mơ̆ng Êpul bruă duh mkra phŭn mơ̆ng Prăng leh anăn phung duh bi liê mơ̆ng ala tač êngao duh bi liê mnia mblei tŭ dưn leh anăn tŭ jing ti Việt Nam.