Anei jing thŭn tal 3 leh mtam, Knơ̆ng bruă mâo ngă bruă anei ti 15 êpul êya hlăm čar. Jing dôk hlăm dŭm mta bruă; Hưn mthâo kơ boh klei kreh truh amâo mâo jăk mơ̆ng pui kmlă, klei truh hlăm êlan klông, lehanăn lu mta klei truh mkăn kreh mâo, hâo hưn mtă mtăn kơ klei êđăp ênang hlăm êlan klông, êjai dôk mgăt êdeh mô tô, êdeh p’phŭt, hâo hưn mtă mtăn kơ klei êđăp ênang êjai mă bruă djŏ tuôm hŏng pui kmlă.

Lehanăn phung khua kiă kriê anôk bruă pui kmlă Daklak ăt mđing hmư̆, bi trông kơ dŭm klei mnuih ƀuôn sang čang hmăng lehanăn akâo kñăm mđĭ hĭn klei jăk kơ pui kmlă plah wah gŏ sang lehanăn anôk bruă hlăm klei mkŏ mjing dhar kreh êđăp ênang./.