Blŭ hrăm hlăm mmông mă bruă, Lương Cường mñă kơ Êpul bruă hâo hưn gưl dlông čiăng kñăm thâo klă kơ boh sĭt djŏ tuôm hŏng bruă hâo hưn, čŏng pô ksiêm duah, đru kčĕ bruă mkŏ mjing đảng, bruă kđi čar, klei mĭn knhuah hdĭp. Mbĭt anăn, čiăng bi mguôp hŏng dŭm anôk bruă djŏ tuôm čiăng ba mdah hdră mkŏ mjing êpul êya, knuă druh.

Khua hlăm êpul bruă Đảng lač, srăng mđĭ hĭn bruă hâo hưn, mkŏ mjing klei sa ai hlăm Đảng leh anăn yang ƀuôn, kjăp dưn yua hdră êlan Mác – Lênin leh anăn klei mĭn Hồ Chí Minh hlăm boh sĭt mrâo. Srăng rơ̆ng kjăp hdră bhiăn, nao mbĭt hŏng dưn yua mlih mrâo, mđĭ kyar klei mbruă, amâo mâo duah ngă mgưt, ruăt kuẳ luč klei răng. Lŏ dơ̆ng ngă jăk hĭn bruă klam pô hlăm wưng kơ anăp.