Hlăm mmông bi tuôm, bruă čuăl mkă mnơ̆ng hlăm gŭ lăn ngă mtŭk mtul kơ wăl mnuih ƀuôn sang dộ, jing leh akŏ mâo lu phung bi ala kơ mnuih ƀuôn sang lač leh anăn akâo. Hlue si Hdră mtrŭn mrô 866 mơ̆ng Khua knŭk kna, ƀuôn prŏng Bảo Lộc mâo giăm 4.300 ha lăn hlăm hdră kčah hiu dlăng, mkra mjing leh anăn yua mnơ̆ng hlăm gŭ lăn wưng 2021 - 2030 leh anăn hnơ̆ng trah dlăng truh thŭn 2050.

Lu ênhă anei hlăm dŭm să, ƀuôn hgŭm wăl krah, mâo hnơ̆ng mnuih ƀuôn sang lu anăn ngă dleh dlan kơ klei hdĭp, bruă duh mkra mnuih ƀuôn sang bi bruă mkŏ mjing anôk bruă nah gŭ kơ mnuih ƀiôn sang, klei iêô jak bi liê, mđĭ kyar bruă duh mkra ala ƀuôn ti alŭ wăl ăt gun kpăk mơh. Hlăm mmông bi tuôm, Trần Đình Văn, Khua Êpul bi ala kơ mnuih ƀuôn sang čar Lâm Đồng lač, hdră kčah mnơ̆ng hlăm gŭ lăn adôk mtŭk mtŭk hŏng lu hdră kčah mkăn mơ̆ng gưl dlông wăt alŭ wăl. Klei anei ba lu klei gun kpăk kơ hdră bhiăn, jing klei kpăk kơ bruă pŏk ngă dŭm hdră bruă phŭn ti čar. Bruă anei êpul bi ala Bruă kƀĭn ala ăt mâo klei akâo hŏng Bruă kƀĭn ala, hŏng Knŭk kna leh anăn Khua knŭk kna hlăm klei bi kƀĭn mrâo êgao čiăng mâo hdră msir mgaih.