Hŏng klei wĭt lač, tŭ yap klei blŭ phung bi ala kơ mnuih ƀuôn  sang kơ dŭm bruă duh mkra-ala ƀuôn, Phan Đình Trạc mtă kơ bruă djŏ tuôm Lâm Đồng ksiêm dlăng, msir mgaih klei brei čan prăk mă mnga ktrŏ lu mnuih ƀuôn sang akâo. Hlăm anăn mâo bruă mnuih ƀuôn sang čan 270 êklăk prăk ƀiădah Sang phat kđi brei tla kơ pô nư êbeh 4 êklai prăk jing pô bi ala Kơ Să Ka Thêm.

 Phan Đình Trạc, Khua hlăm Phŭn bruă kđi čar, Khua hlăm bruă Đảng gưl dlông, Khua Anôk dlăng bruă knuă gưl dlông lač, dŭm klei phung bi ala kơ mnuih ƀuôn sang akâo jing djŏ klă. Boh klei brei čan mă mnga lu ti alŭ wăl leh anăn boh klei mơ̆ng Kơ Să Ka Thêm, Phan Đình Trạc mtă kơ anôk bruă djŏ tuôm čar Lâm Đồng ksiêm dlăng, Sang phat kđi čar Lâm Đồng ksiêm dlăng mâo klei ngă soh kjham amâodah hơăi.