Mâo mkŏ mjing mơ̆ng mlam mbrue hlŏng truh kơ jih hrue mgi 12/4, bruă dhar kreh anei mâo knơ̆ng bruă sang čư̆ êa ƀuôn prŏng Kon Tum mkŏ mjing hŏng klei kñăm iêo jak klei hiu čhưn ênguê plah wah 5 boh ƀuôn prŏng: Kon Tum, Pleiku (Gia Lai), Buôn Ma Thuột (Dak Lak), Gia Nghĩa (Đắk Nông) lehanăn Tuy Hoà (Phú Yên).

Hŏng dŭm bruă dhar kreh msĕ si rang mdah rup kač, rup mă, bi lông mkra mnơ̆ng ƀơ̆ng huă, bi lổn kdrăp čŭt hơô, mlam kdŏ mmuiñ, lehanăn rang mdah dŭm mta mnơ̆ng djăp ênoh čuăn OCOP… ƀuôn prŏng Kon Tum hưn mdah hŏng mnuih ƀuôn sang, lehanăn phung tue ƀuh knhuah siam, klei găl mơ̆ng 5 boh ƀuôn prŏng mâo. Nguyễn Thanh Mân, khua knơ̆ng bruă sang čư̆ êa ƀuôn prŏng Kon Tum, brei thâo anei jing mmông găl čiăng kơ dŭm boh ƀuôn prŏng hưn mdah kơ klei jing klei thâo bi mguôp, klei mtrŭt bruă hiu čhưn ênguê jăk lehanăn dưi iêo jak phung duh bi liê./.