Yan adiê mđiă hlơr, không amâo mâo hjan ngă kơ klei čiăng ba yua pui kmlă ti čar Dak Lak đĭ ktang. Akŏ mlan 4/2024, hnơ̆ng ba yua pui kmlă mâo êbeh 510 MW, đĭ 27% mkă hŏng wưng anei thŭn dih. Kyua hnưm čŏng pô mâo dŭm hdră êlan gang mkhư̆, pui kmlă ti čar Dak Lak dưi bi êran jăk, rơ̆ng klei mkăp brei djăp pui kmlă kơ phung ba yua.

Dŭm hnơ̆ng čuăn phŭn hlăm bruă kriê dlăng dưi mâo leh anăn êgao hdră kčah dưi jao. Mơ̆ng akŏ thŭn truh kơ ară anei, dŭm anôk bruă pui kmlă hlăm čar mâo ksiêm dlăng, mgaih msir 158 anôk jhat hlăm êlan klei pui. Hlăm klei kƀĭn trông ksiêm wĭt bruă kriê dlăng mrâo anei, Trần Tấn Phùng – k’iăng khua kiă kriê Knơ̆ng bruă pui kmlă čar Dak Lak mñă kơ dŭm anôk bruă mđĭ hĭn ai tiê bruă klam, nao klă hŏng boh sĭt čiăng ngă jăk dŭm bruă klam, rơ̆ng bi mâo djăp pui kmlă kơ mnuih ƀuôn sang./.