Klei čih mkra anei kčah mtrŭn kơ bruă bi mklă, klei găl bi mklă knhuah gru, mnơ̆ng đưm , bi mklă mta mnơ̆ng đưm mŏng ala čar, kriê dlăng mnơ̆ng đưm, răng mgang mnơ̆ng ala čar lehanăn msir mghaih mnơ̆ng đưm mâo hmao ƀuh. Klei năng mđing, Klei čih mkra hdră bhiăn anei thiăm mbŏ mta mrâo hlăm bruă răng mgang lehanăn mđĭ lả knhuah gru, kčah mtrŭn kơ bruă bi mklă lehanăn hnơ̆ng čuăn thâo kral dŭm mta hră m’ar đưm, ksiêm yap mnơ̆ng đưm, čih pioh dŭm mta hră m’ar đưm, kriê pioh hră m’ar lehanăn lŏ bi jăk knhuah gru, dŭm mta hră m’ar.

Khua Anôk bruă kƀĭn ala Vương Đình Huệ mñă, knhuah gru dhar kreh brei dưi dlăng jing sa boh kdrŭt đĭ kyar, brei kriê pioh lehanăn mđĭ kyar, klei bi mjĕ hlăm bruă kriê pioh lehanăn mđĭ lar brei ksiêmdlăng kluôm dŭm mta hră m’ar hdră bhiăn, hŏng ai tiê mĭn mrâo lehanăn mđĭ kyar. Mtă kơ anôk bruă čih mkra thiăm mbŏ dŭm hdră êlan mtrŭn kơ bruă tuh tia mkra mjing dhar kreh, wăl anôk dhar kreh, bi mlih mrô dhar kreh, bi mrâo mrang knhuah gru dhar kreh, bi hgŭm knŭk kna – êngao knŭk kna, bruă duh mkra dhar kreh. Mbĭt anăn, brei mâo hdră mtrŭn jăk găl hlăm bruă kriê pioh, mđĭ lar knhuah dhar kreh mnuih djuê ƀiă krĭng čư̆ čhiăng, plao ksĭ, knhuah dhar kreh yuôm bhăn huĭ srăng luič ram./.