Lŏ dơ̆ng hdră bi kƀĭn tal 32, hruê anei (16/4), Dhar bruă gĭt gai Anôk bruă kƀĭn ala brei klei blŭ kơ Klei čih mkra hdră bhiăn thiăm mbŏ dŭm mta hlăm HDră bhiăn mkra êa drao. Klei čih mkra, thiăm mbŏ dŭm mta hlăm Hdră bhiăn anei thiăm leh dŭm hdră mnia mblei mrâo čiăng mkăp djŏ hŏng klei mâo, hlăm anăn mâo hdră čhĭ hluê hdră bi mnia mblei điện tử, rơ̆ng bruă ksiêm dlăng kjăp djŏ tuôm kơ hdră mkra êa drao.

Ăt hlăm hruê kăm anei, Dhar bruă gĭt gai Anôk bruă kƀĭn ala ksiêm dlăng leh Hră ba mdah mkra mlih hdră mtrŭn duh bi liê Hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng wưng 2021 - 2023; ksiêm dlăng klei čiăng mơ̆ng mnuih ƀuôn sang hlăm Anôk bruă kƀĭn ala lehanăn brei klei blŭ kơ Hră mdah mơ̆ng Khua lăn čar kơ bruă bi klă Klei kuôl kă čan mơ̆ng Việt Nam hŏng Knơ̆ng prăk lŏ mkra mđĭ lehanăn mđĭ kyar quốc tế kơ hdră bruă nah gŭ mđing tal êlâo lehanăn mđĭ kyar ƀuôn prŏng djŏ guôp hŏng klei bi mlih yan adiê ti ƀuôn prŏng Vinh, čar Nghệ An./.