Ti anôk bi kƀĭn, Lý Minh Thái – Khua knơ̆ng bruă mdrao mgŭn čar Gia Lai mâo mă 64/67 klei sa ai ruah ngă Khua hlăm Anôk bruă sang čư̆ êa čar Gia Lai. Êlâo anăn, krah mlan 3/2024, Thái mâo Anôk bruă sang čư̆ êa čar Gia Lai ruah ngă Khua knơ̆ng bruă mdrao mgŭn. Lý Minh Thái kkiêng thŭn 1974, hnơ̆ng hriăm Aê mdrao thơ̆ng kơ adŭ mdrao gưl II, cao cấp lý luận chính trị, mă bruă hlăm anôk bruă mdrao mgŭn mơ̆ng thŭn 1998 ti Anôk bruă mdrao mgŭn kdriêk Čư̆ Pưh,

Ăt ti anôk bi kƀĭn tal anei, 100% phung bi ala Êpul gơ̆ng bruă ƀuôn sang čar Gia Lai bi mklă klei sa ai hŏng bruă brei mdei ngă Khua Dhar bruă djuê ana hlăm Êpul gơ̆ng bruă ƀuôn sang čar lehanăn brei mdei ngă pô bi ala Êpul gơ̆ng bruă ƀuôn sang čar hŏng Đinh Thị Giang kyua mâo lu klei ngă soh phung đảng viên amâo dưi ngă, ngă soh klei kčah mtrŭn bruă kriê dlăng, ba yua keh gang mkhư̆ Covid 19 ti Dhar bruă Mặt trận Việt Nam/.