Hlăm gưl kƀĭn, phung bi ala bi klă hlăm wưng tar rŏng lăn leh anăn hlăm ala čar găn 50 thŭn lăn čar hluh hlir, đĭ kơ yang ƀuôn ngă phŭn mbĭt hŏng dŭm klei hmăi kơ bruă mkŏ mjing, mđĭ kyar lăn čar leh anăn răng mgang lăn čar Việt Nam. Blŭ hlăm klei bi kƀĭn, Nguyễn Xuân Thắng, khua kiă kriê anôk bruă bi hriăm bruă kđi čar ala čar Hồ Chí Minh mñă ktang: hdră ngă bruă ksiêm wĭt 50 thŭn lăn čar hluh hlir srăbng mdê hŏng bruă ksiêm wĭt 40 thŭn mlih mrâo ti anôk, dlăng kluôm, ksiêm wĭt, bi klă boh klei ti hnơ̆ng lăn čar hluh hlir.

Srăng bi klă boh tŭ dưn hƀuê ênuk mơ̆ng klei hluh hlir lăn čar pŏk kơ sa wưng đĭ kyar mrâo mơ̆ng lăn čar, anăn jing ala čar yang ƀuôn ngă phŭn. Nguyễn Xuân Thắng ăt mñă lŏ dơ̆ng bi kluôm, mđĭ hnơ̆ng tŭ jăk klei hưn mdah, hnưm ba hưn hŏng Phŭn bruă kđi čar, Êpul khua bruă Đảng, đru hluê ngă tŭ dưn, djŏ mmông kơ bruă mprăp ngă hră mơar klei kƀĭn kluôm tal 14 mơ̆ng Đảng.