Hlue si klei hưn mdah, mơ̆ng thŭn 2020 truh ară anei, čar Dak Lak mâo leh 16 hră mơar hlue si Hdră bhiăn hlăm bruă kriê dlăng bruă knuă. Hlăm mmông mă bruă, čar Dak Lak ăt lač kơ klei dleh dlan, gun kpăk, êdu awăt hlăm klei pŏk ngă bruă ksiêm dlăng, msir mgaih hră mơar hlue si hdră bhiăn hlăm klei kriê dlăng bruă knuă, mbĭt anăn akâo kơ Phŭn bruă kriê dlăng bruă knuă ksiêm dlăng čiăng mbha phung mă bruă klă sĭt djŏ guôp hŏng boh klei ti alŭ wăl; ktrâo lač klă klơ̆ng kơ klei bi hrŏ phung mă bruă hlăm bruă mtô bi hriăm, đru rơ̆ng hlue ngă djŏ hdră mtrŭn, rơ̆ng ênoh nai mtô hlue si hdră kčah…

Triệu Văn Cường,  K’iăng Khua phŭn bruă kriê dlăng bruă knuă, bi mni kơ boh tŭ dưi mâo mơ̆ng čar hlăm wưng êgao, leh anăn mtă kơ alŭ wăl mbŏ leh anăn hlak mblang dŭm bruă adôk kƀah lač leh hlăm mmông mă bruă.