Blŭ pŏk hdră, Nguyễn Văn Hùng, Khua phŭn bruă dhar kreh mjuăt asei mlei leh anăn hiu čhưn ênguê mâo leh mmông wĭt bi hdơr hƀuê ênuk 70 thŭn klei mblah dưi Điện Biên Phủ hing ang. Hluê anăn mñă klă hdră êlan djŏ guôp, klei mbruă mơ̆ng Đảng kơ dhar kreh, klei bi blah, răng mgang lăn čar čiăng bi lar ai tỉê khăp kơ lăn čar, săn asei kyua lăn čar mơ̆ng djuê ana Việt Nam.

Hdră kdŏ mmuñ sui 90 mnĭt hŏng 3 kdrêč: Jih jang mnuih ƀuôn sang nao bi blah, klei mmuñ ênuk gưl 20 leh anăn anôk êđăp ênang. Hluê anăn bi êdah êlam kơ boh tŭ dưn, kơhưm mơ̆ng klei mblah dưi ktư̆ mgei boh lăn. Hdră mă yua dŭm kdrăp mrâo mrang, lŏ kač rup klei bi blah Điện Biên Phủ, ba wĭt ai êwa krưh kơăm ti anôk bi blah ktang phĭt ênuk đưm.