Drông khua êpul grŭp SUNWAH Jonathan Choi, Khua bruă kƀĭn ala bi mni kơ êpul grŭp anẻi mâo leh bruă ngă ti Việt Nam, boh nik alŭ wăl duh mkra ti Lào Cai. Khua bruă kƀĭn ala čang hmăng kơ êpul grŭp lŏ mâo klei bi hgŭm lu hĭn hŏng dŭm čar ktuê knông lăn Việt Nam hŏng dŭm čar mơ̆ng ala čar China, ksiêm duah hdră bi hgŭm 3 tĭng, kơ bruă kreh knhâo, mkŏ klei tŭ dưn mnơ̆ng dhơ̆ng mâo.

Ti anôk bi tuôm hŏng khua êpul grŭp pui kmlă Vân Nam (YEIG), Khua bruă kƀĭn ala bi mni kơ êpul grŭp pui kmlă čar Vân Nam, hlăm anăn mâo bruă pui kmlă doh. Tui si klei čuăl mkă pui kmlă 8 mơ̆ng Việt Nam, Êpul grŭp srăng bi hgŭm rŭ mkra dŭm anôk bruă pui kmlă doh. Khua bruă kƀĭn ala čang hmăng klei bi hgŭm rtŭ mkra ƀăng jang knông lăn thâo mĭn, bi pral mŭt kbiă mnơ̆ng dhơ̆ng čhĭ mnia, đru kơ phung duh mkra mnia mblei dua nah mđĭ kyar pral bruă bi hgŭm mbĭt./.