Hlăm klei bi tuôm, dua khu agĭt gai ksiêm dlăng kơ klei đĭ kyar mơ̆ng dua Đảng, dua ala čar Việt Nam - China hlăm wưng êgao, bi trông dŭm hdră msir kñăm mđĭ lar klei găl, klei mâo mơ̆ng dua tĭng, mđĭ hĭn klei bi hgŭm plah wah dŭm phŭn, dhar bruă, alŭ wăl Việt Nam hŏng čar Vân Nam hlăm wưng kơ anăp.

Khua bruă kƀĭn ala Vương Đình Huệ bi mklă hdră êlan sa anăn mơ̆ng Đảng, knŭk kna Việt Nam kơ bruă lŏ dơ̆ng bi êlam hĭn leh anăn mđĭ klei bi hgŭm mơ̆ng đưm, bi hgŭm kluôm, êpul êya kah mbha êdei anăp Việt Nam - China jing yuôm bhăn. Khua bruă kƀĭn ala čang hmăng dua tĭng bi hgŭm kjăp hlăm bruă kriê dlăng, răng mgang knông lăn hlue si 3 hră mơar kơ knông lăn leh anăn klei kuôl kă djŏ tuôm, bi hgŭm msir mgaih klei kpăk leh anăn bruă mâo ti krĭng knông lăn, mkŏ mjing êlan knông lăn êđăp ênang, hơĭt kjăp.