Êpul mă bruă mơ̆ng khua gĭt gai čar Gia lai mkŏ mjing myơr brui mngưi ti anôk bi hdơr kơ Awa Hồ (jar wăl tač Đại Đoàn Kết, ƀuôn prŏng Pleiku). Êdei anăn, êpul nao myơr brui mngưi ti anăp knưl bi hdơr kơ Pô jhŏng ktang Nup, sa čô êdah êdi mơ̆ng djuê ana Bahnar, bi hmô kơ ai tiê bi hgŭm djuê ana hlăm 2 klei bi blah bi kdơ̆ng hŏng Prăng leh anăn Mi leh anăn hlăm bruă mkŏ mjing leh anăn răng mgang čar kwar êdei anei.

Êpul ăt nao myơr leh mơh brui mngưi bi hdơr kơ Nup ti anôk bi hdơr hlăm gŏ sang, ti wăl 101, êlan Phan Đình Phùng, ƀuôn prŏng Pleiku, čar Gia Lai. Tinei, êpul mă bruă hdơr kơ klei duh myơr prŏng prĭn mơ̆ng Pô jhŏng ktang Nup kơ klei krŭ kdơ̆ng, mđĭ ai anak čô Bok Nup lŏ čuê leh anăn mđĭ lar knhuah gru krŭ kdơ̆ng./.