Ti anăp rup khua gĭt gai Hồ Chí Minh, Êpul bi ala bi êdah klei hdơr knga amâo mâo knhal, hŏng klei mpŭ hdơr kơ ai đru mguôp prŏng prĭng mơ̆ng ñu hŏng bruă krŭ kdơ̆ng mơ̆ng Đảng leh anăn djuê ana. Ñu duh myơr leh jih klei hdĭp kơ mnuih ƀuôn sang, kơ lăn čar, gĭt gai Đảng, mnuih ƀuôn sang mâo dŭm klei tŭ dưi. Kwang mnga mơ̆ng êpul mâo boh hră “Lă lar hdơr kơ Khua gĭt gai Hồ Chí Minh”.

Klei bi blah hƀuê ênuk Điện Biên Phủ lă lar jing klei ktưn hưn, njing ai ktang kơ Đảng, jih jang mnuih ƀuôn sang, lĭng kahan gĭr ktưn hluê ngă hdră mkŏ mjing ala čar hlăm wưng đĭ kơ yang ƀuôn ngă phŭn (bi mbŏ leh anăn mđĭ kyar thŭn 2011), Hdră mtrŭn klei kƀĭn kluôm phung bi ala gưl 13 mơ̆ng Đảng, bi râo leh anăn hluê ngă klei hmăng mhưi mđĭ kyar lăn čar mdrŏng ktang, yâo mơak.