Khua kiă kriê klei hâo hưn gưl dlông Nguyễn Trọng Nghĩa kiă kriê klei bi tuôm. Tinei, phung bi ala hmư̆ klei hâo mdah kơ dŭm boh tŭ dưn kơ bruă hâo hưn mơ̆ng bruă klei mrâo, mơ̆ng bruă čih mkra hdruôm hră mơar, bruă dhar kreh kdŏ muiñ, hlue ngă hdră mtrŭn 13 mơ̆ng Đảng; bruă mprăp kơ klei bi hdơr 70 thŭn klei blah dưi Điện Biên Phủ.
Phung khua kiă kriê dŭm anôk bruă klei mrâo, anôk bruă kčoh mkra hdruôm hră mơar, anôk bruă dhar kreh kdŏ muiñ mâo leh lu klei blŭ đru bi mkŏ mjing, mđĭ kyar klei hâo hưn. Khua kiă kriê bruă hâo hưn gưl dlông Nguyễn Trọng Nghĩa mtă hlăm wưng tinăp, dŭm gưl bruă Đảng, bruă sang čư̆ êa, lehanăn phung khua kiă kriê dŭm gưl bruă, kiă kriê gĭt gai dŭm anôk bruă klei mrâo, anôk bruă čih mkra hdruôm hră, anôk bruă dhar kreh kdŏ muiñ ti alŭ wăl jih ai tiê hlue ngă hdră mtrŭn mơ̆ng Đảng, mơ̆ng bruă kƀĭn ala lehanăn dŭm hdră mă bruă mơ̆ng knŭk kna./.
Viết bình luận