Blŭ ti knăm anei, bi ala phung khua kiă kriê Đảng, Knŭk kna, Khua knŭk kna Phạm Minh Chính čih yap, bi mni lehanăn h’êč hmưi dŭm boh tŭ, klei đru mguôp yuôm bhăn mâo phung khua mduôn, khua ƀuôn, phung mbruă, mnuih mâo k’hưm hlăm kluôm ala lehanăn phung bi ala nao ti knăm anei mâo leh wưng ti anăp. Khua knŭk kna mñă, dhar kreh jing dŭm mta yuôm, jăk siam mơ̆ng grăp djuê ana, mơ̆ng yang ƀuôn lehanăn mơ̆ng grăp čô. Dhar kreh jiă knhuah djuê ana, kreh knhâo lehanăn lu mnuih thâo.

Dhar kreh dưi mđĭ lar boh tŭ, mjing boh kdrŭt mđing truh kơ grăp čô mnuih ƀuôn sang. Hlăm wưng ti anăp, Khua knŭk kna mtă kơ Phŭn bruă Dhar kreh mjuăt ktang asei mlei lehanăn hiu čhưn ênguê, dŭm phŭn dhar bruă, alŭ wăl lŏ dơ̆ng mđĭ klei thâo săng, bi leh klei bhiăn, mđĭ lar klei ngă phŭn mil pô hlăm hdră mđĭ kyar dhar kreh, hdră mjuăt bi hriăm kơ knhuah dhar kreh djuê ana./.