Hơêč hmưi kơ pô bi ala Yamada Takio dưi bi leh jăk bruă klam ti Việt Nam, mâo Khua lăn čar bi klă mđup brei mêđai bi hgŭm, Khua knŭk kna yap yuôm bhăn leh anăn lač jăk kyua klei khăp, klei gĭr leh anăn klei đru mguôp mơ̆ng pô bi ala hlăm bruă mtrŭt mđĭ klei mjĕ giăm bi mguôp lu mta bruă Việt Nam – Japon.

Dua tĭng bi êdah klei hơ̆k mơak hlăm wưng păn bruă ti Việt Nam mơ̆ng pô bi ala, klei mjĕ giăm Việt Nam – Japon đĭ kyar ktang, kluôm dhuôm leh anăn klă klơ̆ng hlăm lu mta bruă. Klei mjĕ giăm ƀrư̆ ƀrư̆ jing klei bi hmô kơ klei bi mguôp tŭ dưn, siă suôr, hŏng klei găl leh anăn klei hmăng hmưi pŏk mlar. Khua knŭk kna Phạm Minh Chính mñă hlăm wưng kơ anăp, hlăm djăp mta bruă ngă, pô bi ala lŏ dơ̆ng bi lar bruă klam, đru mguôp hlăm klei mjĕ giăm Việt Nam – Japon hlăm djăp mta bruă.