Blŭ ti anôk bi kƀĭn, Khua knŭk kna Phạm Minh Chính lač, mơ̆ng akŏ wưng păn bruă truh kơ ară anei , drei mâo mkŏ mjing leh truh 25 klei bi kƀĭn truăn kơ bruă mkŏ mjing klei bhiăn, mă klei blŭ, ksiêm dlăng, bi mklă kơ giăm 100 klei akâo mkŏ mjing klei bhiăn, lehanăn dŭm mta bruă djŏ tuôm, hlăm dŭm bruă mjêč kơ klei čih mkra klei bhiăn, ruh mgaih jih jang klei dleh kpăk, čiăng bi mngač jih jang bruă kơ klei mkŏ mjing klei bhiăn msĕ hŏng klei bhiăn lăn ala, dŭm êpul bruă brei čan prăk, klei kơ sang lăn, klei kơ sang dôk.

Khua knŭk kna mtă kơ kơ phung khua prŏng hlăm knŭk kna, lŏ bi kjăp klei mĭn, nao hlăm klei mlih mrâo, mâo klei hâo mdah, blŭ hrăm hlăm klei khuăt đŭt, klă mngač, nao djŏ ti bruă, bi trông klă mngač kơ dŭm mta bruă yuôm bhăn, mâo dŭm klei akâo kơ knŭk kna, rơ̆ng klei ngă bruă hŏng klei klă mngač lehanăn kjăp hlăm dŭm klei bi kƀĭn./.