Hlăm klei bi kƀĭn WEF Đại Liên, hŏng klei mñă jing klei blŭ hrăm hlăm Klei bi kƀĭn kluôm, ti anăp hlăm brô 1.700 čô mơ̆ng 80 ala čar, , Khua knŭk kna kah mbha klei yăl dliê mơ̆ng Việt Nam kơ Klei mlih mrâo, ñŭ kma leh anăn đĭ kyar. Khua knŭk kna ăt mâo klei hâo hưn êlam, klă mngač kơ boh tŭ êdah êdi kơ bruă duh mkra- ala ƀuôn, kơ hdră êlan, hnơ̆ng trah dlăng, tă hdră mđĭ kyar lăn čar mơ̆ng Đảng, Knŭk kna Việt Nam.

Hlăm gưl mă bruă, Khua knŭk kna Phạm Minh Chính mâo leh hdră mă bruă dua nah lu jơr, mâo bi trông hŏng Khua gĭt gai Đảng, Khua lăn čar China Tập Cận Bình, Khua knŭk kna Lý Cường, Khua gĭt gai bruă ala čar Vương Hộ Ninh; hŏng Khua hlăm Phŭn bruă kđi čar, K’iăng Khua knŭk kna bruă kƀĭn ala China Trương Quốc Thanh nao leh anăn blŭ hrăm hlăm “Klei bi kƀĭn bi hgŭm Việt Nam- China kơ klei mđĭ kyar anôk bruă êlan klông nah gŭ leh anăn bruă klam mơ̆ng dŭm anôk bruă duh mkra Việt Nam- China.